Biblia inasema nini juu ya kunywa kileo? Je, ni dhambi kwa mkristo kunywa kileo?

www.GotQuestions.org!
Swali: "Biblia inasema nini juu ya kunywa kileo? Je, ni dhambi kwa mkristo kunywa kileo?"

Jibu: Maandiko yana ilani nyingi juu ya kunywa kileo (mambo ya walawi 10:9; hesabu6:3; kumbukumbu la torati 29:6; waamuzi 13:4,7,14; samueli wa kwanza 1:15; methali 20:1; 31:4,6; isaya 5:11;22; 24:9; 28:7; 29:9; 56:12; mika 2:11; luka 1:15). Maandiko hayakatazi mkristo kunywa pombe, divai wala kinywaji chochote chenye kileo ndani. Maana maandiko mengine huzungumzia kileo kwa kuhalalisha matumizi yake. Mhubiri 9:7 inaamuru, “ kunywa kileo na moyo mkunjufu.” Zaburi 104:14-15 inaeleza Mungu hutoa divai “ inayofurahisha mioyo ya wanadamu.” Amosi 9:14 inazungumzia juu ya kunywa divai kutoka kwa shamba lako kama alama ya baraka za Mungu. Isaya 55;11 inapongeza “ naam, njoo ununue divai na maziwa…”

Kile Mungu anachowaamuru wakristo juu ya kileo ni wajizuie na ulevi (waefeso 5:18). Biblia inakataza ulevi na athari zake (methali 23:29-35). Wakristo wanakatazwa kuachilia miili yao itawalwe na vitu vinginevyo. (wakorintho wa kwanza 6:12; petro wa pili 2:19). Kunywa kileo kingi kunaathiri mtu. Maandiko yanakataza chochote kile ambacho kwa kukifanya unasababisha wengine kujikwaa( wakorintho wa kwanza 8:9-13). Kwa mujibu wa haya ni vigumu mkristo kukiri kuwa anakunywa kileo kwa utukufu wa Mungu ( wakorintho wa kwanza 10;31).

Yesu aligeuza maji kuwa Divai. Huenda ikawa Yesu alikuwa akinywa divai katika karamu Fulani Fulani (Yohana 2:1-11; Mathayo 26: 29). Katika nyakati za agano jipya, maji yalikuwa yakijawa na vidudu na uchafu kama hali ilivyo sasa katika mataifamengine ya ulimwengu wa tatu. Hii ndiyo sababu watu walipendelea kunywa divai kutoka kwa zabibu ili kuepukana na taka taka hizi. Katika timotheo wa kwanza 5:23, Paulo alimkataza timotheo kunywa maji yaliyokuwa yakimtatiza tumbo lake na mahali pake anywe divai. Divai ilikuwa na asili ya kileo ndani lakini haikuwa na kiwango cha kilevi sawa na cha leo. Haikuwa maji ya mzabibu moja kwa moja wala kileo sawa na cha leo. Maandiko hayakatazi mkristo kunywa kileo cha aina yoyote bali yanakataza ulevi na utumwa wa kileo (waefeso 5:18; wakorintho wa kwanza 6:12).

Kileo, kinapotumiwa kwa uchache hakina athari kwa mwenye kukitumia. Kutumia kiasi kichache cha kileo ni jambo linaloruhusiwa mkristo. Ulevi na utumwa wa kunywa kileo ni dhambi. Kwa sababu ya kushindwa kujizuia katika viwango vya matumizi ya kileo, kukwaza wengine na hata kupatikana na hatia mbali mbali, ni vizuri mkristo aepukane kabisa na matumizi ya kileo cha aina yoyote.

Biblia inasema nini juu ya kamari? Je, kamari ni dhambi?

Swali: "Biblia inasema nini juu ya kamari? Je, kamari ni dhambi?"

Jibu: Kamari ni “pesa zinazohatarishwa katika jaribio la kuzizidisha kwa njia isiyo ya kawaida.” Bibilia haipingi moja kwa moja kamari,bahati nasibu na kadhalika. Biblia hutuonya tujiepushe na tamaa ya pesa. (Timotheo wa kwanza 6:10; waebrania 13;5). Maandiko pia husisitiza tuepukane na nia ya kutaka kujitajirisha haraka haraka (Methali 13:11; 23:5; Mhubiri 5:10). Kamari imekithiri katika msingi wa tamaa ya pesa na hutia watu katika majaribu ya kutaka kuwa tajiri upesi.

Kamari ina ubaya gani? Inapofanywa mara kwa mara ina asili ya matumizi mabaya ya pesa si lazima yenyewe iwe ni dhambi. Ijapokuwa kuna mambo mengi ambayo yanaweza kuleta matumizi mabaya ya pesa kama kununua chakula cha ghali bila sababu ya maana au kununua vitu visivyofaa lakini isiwe sababu ya kuhalalisha kamari. Pesa zisifujwe. Pesa ni zihifadhiwe kwa matumizi mazuri ya baadaye lakini sio kamari.

Kamari katika Biblia: ijapokuwa biblia haitaji moja kwa moja michezo ya kamari, huzungumzia michezo Fulani ya bahati nasibu kama kupiga kura katika Mambo ya Walawi kuchagua baina ya mbuzi wa sadaka na mbuzi wa lawama. Yoshua alipigia kura ugawaji wa ardhi kwa makabila mbali mbali. Nehemia alipiga kura kutambua nani atakayeishi ndani ya nyua za Yerusalemu na nani asiishi ndani yake. Mitume walipiga kura kuchagua atakaye chukua nafasi ya Yuda. Methali 16:33 inasema, “ kura hupigwa mapajani lakini uamuzi hutoka kwa Bwana.” Hakun mahali katika Biblia kubahatisha kumetumika kwa starehe ama kuendelezwa kama jambo halali la wafuasi wa Mungu.

Kasino na bahati nasibu: Kasino hutumia mbinu nyingi kuhamasisha wacheza kamari kuendelea kupoteza pesa nyingi zaidi. wakati mwingine hutoa vileo kwa bei nafuu au hata bure kinachorahisisha kulewa ili mtu asiweze kufanya uamuzi tena wa busara kwa kuwa amelewa sana. Kila kitu ndani ya kasino kimeundwa kuchukua pesa za watu kwa wingi bila kurudishia chochote mwenye kutoa pesa hizo. Michezo ya bahati nasibu husingiziwa kuwa ni ya kusaidia kuchangia elimu au huduma za kijamii. Lakini wenye kucheza michezo hii ni wale wenye pesa za kununulia kadi hizi za bahati nasibu. Tamaa ya kutajirika haraka huwashika wenye kushiriki hivyo basi wanapokosa kufanikiwa huwabakisha katika hali mbaya zaidi ya ile ya awali. Hapa ndipo maisha ya wengi husambaratika.

Kwa nini mapokeo kutoka kwa bahati nasibu hayamridhishi Mungu: wengi husema wanacheza michezo hiyo ili watoe pesa hizo kwa kanisa au kufanyia jambo Fulani zuri. Hili ni jambo zuri. Lakini uchunguzi umedhihirisha mara nyingi si kwa ajili ya mambo haya. Mungu hahitaji pesa zetu kuendeleza kazi zake duniani. Methali 13:11 inasema, “ pesa mbaya hutoroka zenyewe, lakini yule akusanyaye pesa chache chache huzifanya kukua na kuwa nyingi.” Mungu ni muweza na atagharimia mahitaji ya kanisa kwa njia za halali. Je, Mungu angeheshimiwa kwa kupokea mchango wa pesa zilitokana na biashara ya madawa ya kulevya au zilizoibwa benki? Hata hivyo Mungu hahitaji pesa zilizoibwa kwa maskini katika jaribio la kutaka kuwa matajiri haraka.

Timotheo wa kwanza 6:10 inatuambia, “maana shina moja la mabaya ya kila namna ni kupenda fedha; ambayo wengine hali wakiitamani hiyo wamefarakana na imani, na kujichoma kwa maumivu mengi.” Waebrania 13:5 inasema, “ msiwe na tabia ya kupenda fedha mwe radhi na vitu mlivyo navyo;kwa kuwa yeye mwenyewe amesema, sitakupungukia kabisa, wala sitakuacha kabisa.” Mathayo 6:24 inasema, “ hakuna awezaye kuwatumikia mabwana wawili. Kwa maana atamchukia huyu na kumpenda huyu; ama atashikamana na huyu na kumdharau huyu.hmwezi kumtumikia Mungu na mali.”

hell is real